Til hamingju með réttarbótina

Nú eru prestarnir hýrir á há

því homma þeir saman brátt pússa

og langþráða blessun svo lesbíur fá;

og líkar það efalaust Sússa.

Hýrnar yfir kirkjunni

Og þá skiptir litlu máli hver er í stjórn...

Í sveitarstjórnarkosningunum 1978 féll meirihlutinn með Sjálfstæðismenn í forystu út af óánægju íbúa í Laugarneshverfi með áætlanir um byggingu SS hússins, sem síðar breyttist í Listaskóla.

Það dugði ekki til, því að SS húsið var samt byggt - og ekki samkvæmt samþykktum teikningum, heldur komust þeir upp með það að breyta þeim að vild.

Enn er þessi bygging hörmuleg á þessum stað og enginn vill í raun nýta hana.

Vonandi gengur betur að vernda Ingólfstorg - en ekki ætla ég samt að halda niðri í mér andanum yfir því.

Ég var á leið til Majorka með fjölskyldunni þegar úrslit kosninganna voru lesin upp í flugvélinni, og fagnaðarópin glumdu um alla vél:

Ég man er í flugvél var fagnað

er fór ég til Spánar.

En borgarstjórn hugsaði um hagnað 

þeir huglausu kjánar.

Kaupmenn ævareiðir

Taser stofnað í Göfugum Tilgangi?

Gef mér, drottinn, göfugt stuð

svo glæpamenn ég fái hamið.

Þreytist hönd við þrotlaust puð

þegar fæ ég hausa lamið.

 

Göfgi þessa gæðatóls

glæðir viljann til að þjóna.

Ég leita að baki skildi skjóls

og skelli stuði í óða kóna.

 

Göfgan tilgang Taser ég

trúi á, sem dæmin sanna.

Ég ummæli í efa dreg

frá Amnesty um skaða manna.

 

Næst er göfugt vinn ég verk

til verndar bæði þjóð og landi,

vona ég að stuðin sterk

streymi fram úr tæknibrandi.

Taser International gerir athugasemd við Amnesty

Í tilefni af 1. maí.

Auðmaðurinn:

Duga tekjur, aldrei einn
arkar lífsins brautir.
Huga gleður, sjaldan sveinn
svæsnar hefur þrautir.

Öreiginn:

Þrautir hefur svæsnar sveinn
sjaldan gleður huga.
Brautir lífsins arkar einn
aldrei tekjur duga.

Kröfuganga frá Hlemmi

Kósíkvöld í kvöld

Baggalútískt Kósíkvöld

í kvöld ég set á fóninn.

Dansa mun þá fótafjöld

við fyrsta gleðitóninn.

Baggalútur með nýja skífu

Synir hennar?

"...ekkja Johns Lennon, og synir hennar Sean Ono og Julian..."

 

Staðreyndum skal nú stand'á klárum

og stríða við fréttavilluhaf:

Júlían fæddist fjórum árum

fyrr en hjá Yoko Lennon svaf.

„Imagine“ notað í leyfisleysi

Heiðra skaltu heiður frúa...

Lögin túlkar lögspekingaher

á latínu; það er ei skírnin skemmri:

Heiður frúa augljóslega er

Ítalíulögum miklu fremri.

Ítalskar konur mega ljúga

Sænska þjóðin titrar.

Senn mun titra sænska þjóðin

seðji apótekin lostann.

Sænskra pilta sænsku fljóðin

sennilega lækka rostann.

Sænsk apótek selja titrara

Valdboðið nær út yfir (gröf og) dauða.

Ef þú deyrð þá ekkert fær þér bjargað,

öllum verður ljós þín mikla sekt.

Lík þitt skal með lausu fiðri tjargað,

og lífgað við af bæjarstjórans mekt.

 

Síðan máttu þorpsgöturnar þramma,

þannig verður flestum öðrum ljóst

að hérna verður ekkert „elsku mamma“,

andann skal hér draga sérhvert brjóst.

Gjörið svo vel að deyja ekki

„Ég fékk mér hjól og fór að hjóla...“ (ÓR)

Já, lífið er skoplegur skóli,

ég skil það að menn stundum spóli,

en tíni þó til

að trauðla ég skil

að á sléttu menn hossist á hjóli.

Hafði mök við dömureiðhjól