Gordon Brown

Gordon Brown, takes out his gun.

With a frown, cocks it and then runs.

Not very bright, picking a fight.

Look at that clown! Fuck Gordon Brown!

 

Trousers down, spanked by the press.

Finds a scapegoat far in the west.

Darling, so gay, points out the prey.

Darlings a clown! Fucks Gordon Brown!

 

Second time, just like the last,

tails we clip, after a blast.

Naked he stands, bollocks in hands.

Look at that clown! Fuck Gordon Brown!

Er eftirlaunafrumvarpið öllum gleymt?

Eftirlaunafrumvarpið öllum virðist gleymt,

það eflaust verður ráðstjórninni dúsa

er þeir missa völdin; því eflaust verður reimt

er Ísland fer að greiða þeirra brúsa.

Lífverðir gæta Geirs

Dýr smjörklípa

Slípa margir slyngir kónar slóttugheitin.

Smeðju valda smánarskeytin,

smjörklípunnar drýpur feitin.

 

Nú þarf að stofna „Nýi Seðlabanki Íslands“ og færa stjórn peningamála þangað!

Hryðjuverkalög gegn Landsbanka

Ísland er landið...

Ísland er landið sem alþingi rýrir,
endalaust sandkassaleikurinn þrífst.
Ísland er land þar sem lið okkur stýrir,
lið sem í gróðaleit einskis nú svífst.
Ísland er land sem að lögin svo skýrir,
að lögbrot það sé ef af klámi þú hrífst.
Ísland er land sem að í okkur pírir,
örlitlum bótum þá föllum við dýpst.

Ísland er landið sem lán okkur veitir.
Lán sem að vaxa frá degi til dags.
Ísland er landið sem okrarar feitir,
einokað geta sér sjálfum til hags.
Ísland er landið sem lamar nú sveitir,
landsbyggðarmennirnir flýja allt baks.
Ísland er landið sem í okkur hreytir,
ónotum, viljum við jafnrétti strax.

Ísland er landið sem öldruðum hafnar.
Öryrkja skattleggur þjóðanna mest.
Ísland er land þar sem iðnaður dafnar.
Umhverfissóðar hér menga nú flest.
Ísland er landið sem endalaust safnar
erlendum skuldum og frjálshyggjupest.
Ísland er land sem að endingu kafnar;
eg vil nú samstundis kalla á prest!

Ekki lengur hætta á þjóðargjaldþroti

Og svínið sagði ekki ég...

Er gengið á Glitni mjög dvínar

þá gerast víst aðgerðir brýnar.

Spyr kappi sem kjólföt sín svínar:

„Hver kúkað'í buxurnar mínar!“

Lokað fyrir viðskipti áfram

Apaspil

Aparnir í aurnum sér að aurum leika.

Stoðum veikum vilja flíka,

von'að það þá geri ríka.

Erfiðir gjalddagar framundan

Já, pólitík, já pólitík, í pólitík alla ég svík...

Er Guðni á Stormskeri strandar

og stuðningur flokksmanna dvín

hann þrammar, með taugarnar þandar,

til þeirra sem skilja hve brýn

er þörfin á hjálpfúsum hækjum

sem höltum fá bjargað í var,

og lofar með klækjum að leysa úr flækjum

sem læknirinn skapaði þar;

og þannig nær framsókn að festa sér völdin

sem fóru með Geysi og REI

og framsókn nú hækka mun fasteignagjöldin

svo fyrtist ei biðlaunagrey,

og framsókn nú hækka mun fasteignagjöldin

svo fyrtist ei biðlaunagrey.

Já, pólitík, já, pólitík, í pólitík alla ég svík.

Já, pólitík er engu lík, í pólitík alla ég svík.

 

Við Óskar fékk enginn að tala

uns Ólafi kastað var burt

en Valhöll þá vaknaði úr dvala

og viðræður gengu sem smurt

er rykfallinn samning þau rýndu

sem ranglega slitu þau fyrr

og höfðingskap sýndu er Hönnu þau krýndu

og halda að burtu sé styrr;

en kjósendur hafa nú klækina litið

og kannski þeir muni það næst

hve borgarstjórn hefur í buxurnar skitið,

já, burtu það varla nú þvæst,

hve borgarstjórn hefur í buxurnar skitið,

já, burtu það varla nú þvæst.

Já, pólitík, já, pólitík, í pólitík alla ég svík.

Já, pólitík er engu lík, í pólitík alla ég svík.

Ólafur: Blekktur til samstarfs

Biðstofublús

Í Landsvirkjun stúlkur þrjár lögðu

leið sína, og þar þær sögðu:

"Við komum á fund

með Frikka, um stund,"

svo feimnar á biðstofu þögðu.

 

Og kaffið þær þáðu með þökkum,

en þurftu að fikta í tökkum,

þær hrukku í kút

og hlupu svo út;

ja, hugrekkið í þessum krökkum.

Settu brunaboða í gang

Líttu ávalt lífsins björtu hlið...

Af sumu færðu sár,

sorgir eða tár,

og ægilegt af öðru skapast fár.

Ef þú grófan æ færð graut

ekki garga, gef mér flaut,

það hjálpar þér að hitta á rétta braut...

 

Og... líttu ávalt lífsins björtu hlið...

Losa þig frá kífsins svörtu hlið...

 

Gerist lífið grátt

þú gleyma ey þessu mátt

að dansa, syngja, brosa og hlæja hátt.

Ef þunglyndisins þrá

þig svo sækir á

stóran settu upp stút og flauta þá.

 

Og... líttu ávalt lífsins björtu hlið...

Losa þig frá kífsins svörtu hlið...

 

Fáránlegt er flest

en þú ferð þó fyrir rest

að hneygja sig við tjaldið telst víst best.

Þínar syndir sendu í þvott,

út í salinn sendu glott

og njóttu þess því nú þú ferð á brott.

 

Dauðans skaltu líta ljósu hlið,

er af lokaandardrættinum tekur hann við.

 

Lítir þú á það

þá er lífið tað

og brandari sem ber að hlæja að.

Allt víst sýning er

láttu alla hlæja hér

en mundu að sá hlær best sem síðast hlær að þér.

 

Og líttu ávalt lífsins björtu hlið...

Losa þig frá kífsins svörtu hlið...

(Koma svo, brosið!)

Líttu ávalt lífsins björtu hlið...

Losa þig frá kífsins svörtu hlið...

(Verra sést á sjó, þú veist.)

Líttu ávalt lífsins björtu hlið...

(Ég meina - hverju hefurðu að tapa?

Þú veist, þú kemur úr engu - þú endar aftur í engu.

Hverju hefurðu tapað? Engu!)

Losa þig frá kífsins svörtu hlið...

Bannað að sýna Life of Brian

Páfinn í Bondy í Sydney, Ástralíu...

Nú er víst alheimsmót kristilegra unglinga í Sydney.  Þar sem ég sat í Hobart, Tasmaníu, fékk ég neðangreinda mynd í tölvupósti frá starfsfólkinu hér með fyrirsögninni að hún hefði verið tekin í Bondy í morgun...

Undirförull er ég nú,

eins og páfinn sjálfur.

Bara hann þó boðar trú

á bansett orðagjálfur.

(E.s. Mér fannst myndefnið mjög kunnuglegt, og kveikti þegar ég sá bílastæðaskiltið.)