Bloggfærslur mánaðarins, júlí 2008

Biðstofublús

Í Landsvirkjun stúlkur þrjár lögðu

leið sína, og þar þær sögðu:

"Við komum á fund

með Frikka, um stund,"

svo feimnar á biðstofu þögðu.

 

Og kaffið þær þáðu með þökkum,

en þurftu að fikta í tökkum,

þær hrukku í kút

og hlupu svo út;

ja, hugrekkið í þessum krökkum.


mbl.is Settu brunaboða í gang
Tilkynna um óviðeigandi tengingu við frétt

Líttu ávalt lífsins björtu hlið...

Af sumu færðu sár,

sorgir eða tár,

og ægilegt af öðru skapast fár.

Ef þú grófan æ færð graut

ekki garga, gef mér flaut,

það hjálpar þér að hitta á rétta braut...

 

Og... líttu ávalt lífsins björtu hlið...

Losa þig frá kífsins svörtu hlið...

 

Gerist lífið grátt

þú gleyma ey þessu mátt

að dansa, syngja, brosa og hlæja hátt.

Ef þunglyndisins þrá

þig svo sækir á

stóran settu upp stút og flauta þá.

 

Og... líttu ávalt lífsins björtu hlið...

Losa þig frá kífsins svörtu hlið...

 

Fáránlegt er flest

en þú ferð þó fyrir rest

að hneygja sig við tjaldið telst víst best.

Þínar syndir sendu í þvott,

út í salinn sendu glott

og njóttu þess því nú þú ferð á brott.

 

Dauðans skaltu líta ljósu hlið,

er af lokaandardrættinum tekur hann við.

 

Lítir þú á það

þá er lífið tað

og brandari sem ber að hlæja að.

Allt víst sýning er

láttu alla hlæja hér

en mundu að sá hlær best sem síðast hlær að þér.

 

Og líttu ávalt lífsins björtu hlið...

Losa þig frá kífsins svörtu hlið...

(Koma svo, brosið!)

Líttu ávalt lífsins björtu hlið...

Losa þig frá kífsins svörtu hlið...

(Verra sést á sjó, þú veist.)

Líttu ávalt lífsins björtu hlið...

(Ég meina - hverju hefurðu að tapa?

Þú veist, þú kemur úr engu - þú endar aftur í engu.

Hverju hefurðu tapað? Engu!)

Losa þig frá kífsins svörtu hlið...


mbl.is Bannað að sýna Life of Brian
Tilkynna um óviðeigandi tengingu við frétt

Páfinn í Bondy í Sydney, Ástralíu...

Nú er víst alheimsmót kristilegra unglinga í Sydney.  Þar sem ég sat í Hobart, Tasmaníu, fékk ég neðangreinda mynd í tölvupósti frá starfsfólkinu hér með fyrirsögninni að hún hefði verið tekin í Bondy í morgun...

Páfinn í Bondy í Ástralíu?

Undirförull er ég nú,

eins og páfinn sjálfur.

Bara hann þó boðar trú

á bansett orðagjálfur.

(E.s. Mér fannst myndefnið mjög kunnuglegt, og kveikti þegar ég sá bílastæðaskiltið.)


Til hamingju með réttarbótina

Nú eru prestarnir hýrir á há

því homma þeir saman brátt pússa

og langþráða blessun svo lesbíur fá;

og líkar það efalaust Sússa.


mbl.is Hýrnar yfir kirkjunni
Tilkynna um óviðeigandi tengingu við frétt

Og þá skiptir litlu máli hver er í stjórn...

Í sveitarstjórnarkosningunum 1978 féll meirihlutinn með Sjálfstæðismenn í forystu út af óánægju íbúa í Laugarneshverfi með áætlanir um byggingu SS hússins, sem síðar breyttist í Listaskóla.

Það dugði ekki til, því að SS húsið var samt byggt - og ekki samkvæmt samþykktum teikningum, heldur komust þeir upp með það að breyta þeim að vild.

Enn er þessi bygging hörmuleg á þessum stað og enginn vill í raun nýta hana.

Vonandi gengur betur að vernda Ingólfstorg - en ekki ætla ég samt að halda niðri í mér andanum yfir því.

Ég var á leið til Majorka með fjölskyldunni þegar úrslit kosninganna voru lesin upp í flugvélinni, og fagnaðarópin glumdu um alla vél:

Ég man er í flugvél var fagnað

er fór ég til Spánar.

En borgarstjórn hugsaði um hagnað 

þeir huglausu kjánar.


mbl.is Kaupmenn ævareiðir
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband