Minnimáttarkennd?

Þessi minnimáttarkennd

múhameðskra karla,

frá almættinu er víst send!

Æ, það tel ég varla.

Umbótasinnuðu dagblaði lokað í Íran

Að Amrískum sið...

Suðurnesin sorgir hrjá,

þeir samnings- gerðu -feil.

Samt tíu millur tókst að fá;

ðe tjekk is in ðe meil.

Fékk 10 milljóna dala ávísun senda í pósti

Það var engin upphitunarhljómsveit...

Dvaldi ég þar drjúga stund,

í dal við sundin blá.

En upphitun með Elsu Lund

alveg fór mér hjá.

Shady söng með Stuðmönnum í Laugardal

Tímdu þeir ekki kleinuhringjunum?

Þegar löggan þjófinn greip

í þörmum men hann faldi.

Með banönum varð brautin sleip,

hann bíður dóms í haldi.

Gleypti hálsmen og var gert að borða 50 banana

Hvert leita karlarnir?

Kynjahlutfall Kína er

körlum ei til góða.

Vanti konur verður her

vandi næstu þjóða.

Dregið niður í áróðri fyrir einsbarnsstefnu í Kína

Álfaborgar - séns.

Hagyrðingar hittast enn,

hafa uppi glens.

Klúrir verða kvæðamenn

komist þeir á séns.

Fjölmennt á hagyrðingamóti á Borgarfirði eystri

Verðmætið liggur í undirskriftinni

Málverkið töldu þeir meistaraverk

og milljarð til bókar þeir færðu.

Það innblástur veitti, og áhrifin sterk

og ýmsir víst tæknina lærðu.

 

En svo fór í verra, og vandaðist mál,

það var eftir ókunnan dóna,

og þeir máttu setja sitt bókhald á bál,

það brann þarna milljarður króna.

Málverk reyndist ekki vera eftir Van Gogh

Tungumálakvóti?

Herforingjar Myanmar

mannréttindi brjóta.

Dágott fundu Danir svar

með dulmáli þeir skjóta.

Yfirvöldin urðu snar,

þau útlendingum blóta,

og fjölmiðlarnir fínu þar

fá nú málakvóta.

(Já, enskan verður eflaust þeim til bóta.)

Dönsk auglýsing veldur uppnámi í Myanmar

„... bragðið góða svíkur eigi ...“

Vínið góða var með keim

sem vakti gleði Frakka.

En bragðlaukarnir brugðust þeim

sem boðið var að smakka.

(Er komu þeir svo kátir heim

í Könunum sást hlakka.)

Kvikmyndaframleiðendur deila hart um vínsmökkunarhneyksli

Vanga velta...

Túrhestarnir tölta greitt

um töfraheima Fróns.

En lausamölin lúmsk og beitt

þá leiðir oft til tjóns.

Sluppu með skrekkinn eftir bílveltu