Íþróttamennska - fyrirmyndir?

"... við fengum bara það besta út úr þessu eins og hægt var" sagði Freyr ánægður í viðtali við sjónvarpið, eftir að hafa truflað frumkast andstæðinganna.

Þetta er kannski skiljanlegt þegar einkunnarorð Hauka eru skoðuð: "Haukar standa fyrir leikgleði, félagsskap og árangur." Hvort það hafi verið þess háttar árangur sem Séra Friðrik hefur séð fyrir sér við stofnun félagsins er þó spurning. Sérstaklega á móti bræðrafélaginu, Val.

Það mættu kannski fleiri taka upp þetta gildi Valsara: "Látum ekki kappið bera fegurðina ofurliði".

Aron: Þurftum allt í einu að sækja stigið

Athugasemdir

[HAUKAR - Meistaraflokkur karla 2012-2013, 1.12.2009 kl. 13:35]

Já það var svo sannalega það sem Fannar sýndi í lokinn þegar hann dúndraði boltanum í bakið á Frey.!!!Spurning um að líta sér nær heldur en að drulla yfir aðra.

[Billi bilaði, 1.12.2009 kl. 14:17]

Alveg hárrétt hjá þér/ykkur. Og Freyr var svo ánægður að hafa náð því fram. Sótti sér viljandi rautt spjald sem olli nægum pirringi til að orsaka rautt spjald hinum megin. Glæsileg fyrirmynd.

En þið kannski ræðið þetta á næsta bræðrafélagsfundi. Ekki er ég, né hef nokkurn tíman verið, Valsari. Ekki heldur málkunnugur neinum þeirra. (Var þó einu sinni í KFUM, sem þið eruð stofnaðir upp úr.)

Ég átti þó orðastað við einn fullorðinn Haukafylgismann úti í Eyjum um helgina, sem fannst það fullkomlega eðlilegt að segja „Þegiðu sjálfur“ við 12-13 ára leikmann andstæðinga Hauka sem var eitthvað pirraður út í hann. (Ég veit ekki hvor okkar taldi hinn meira fífl.)

[Freyr B (IP-tala skráð) 1.12.2009 kl. 16:24]

Sæll og blessaður. Sá mig knúinn til að svara þér þar sem þú ert að halda því fram að ég sé ánægður að fá rautt spjald. Ég var ánægður að ná einu stigi og því miður varð ég að trufla/stoppa leikinn til að  markið sem ég skoraði hafi ekki verið til einskis. Ég hefði ekki þurft að gera þetta og þetta er ekki vandamál í handboltanum nema þegar þjálfarinn tekur markmanninn útaf og setur útileikmann í staðinn. Það var engin í markinu og því var ég tilneyddur trufla þá.

Kv. Freyr Brynjarsson

P.s. Við ræðum þetta mál pottþétt á næsta bræðrafundi. :)

[Billi bilaði, 1.12.2009 kl. 16:42]

Sæll, og þakka þér fyrir svarið.

Gott að þú ert ekki fullkomlega ánægður með þetta.

Það eina sem ég gat dæmt út frá er viðtalið, og þessi setning, sem ég vitna í, sem þú segir í sjónvarpsviðtali strax eftir leik.

Þú varst ekki tilneyddur. Þú tókst meðvitaða ákvörðun. Reglurnar bjóða upp á þetta, það er alveg rétt. Og auðvitað gerast svona hlutir í hita leiksins. Og setningin sem ég vitna í er eflaust líka í beinu framhaldi af hita leiksins. (Hvað ef Fannar hefði tekið meðvitaða ákvörðun um að fara í þig, en ekki leikhitaákvörðun um að kasta bolta í þig? Hvernig hefði það litið út. Svona reglubeygingar stigmagnast sé ekki tekið á þeim.)

Út frá þessum þáttum stendur fyrirsögn mín alveg.

ES: Þessi punktur sem þú nefnir, að markmaður sé kominn úr markinu fyrir aukasóknarmann sýnist mér gera það að verkum að ekki myndi duga að stoppa tímann, eins og mér sýnist alltaf vera gert í körfunni. Áhættan við að framkvæma þá skiptingu minnkar þá of mikið, þegar refsingin við þessu broti hefur ekki meiri áhrif á þann leik sem er í gangi.

EES: Áfram handboltinn.