Menúett

Allir þekkja volga Villa,

villir hann, tryllir hann.

Í orkuleik við ótal milla

æðir hann.  Græðir hann?

 

En kauprétturinn kom á borðið,

kynlegt var þá málið orðið.

 

Framsókn skautar fram hjá þessu,

(fríhjólar).

Framsókn skautar fram hjá þessu,

fríhjólar með glans!

 

Allt var þetta eintóm dilla,

oní hann niður rann

einkavinaeiturpilla,

og hann brann með sóma og sann.

 

Gullkálfinn hann gat ei sorðið,

grætur sjálf síns framamorðið.

 

Framsókn skautar fram hjá þessu,

(fríhjólar).

Framsókn skautar fram hjá þessu,

fríhjólar með glans!

Nýr meirihluti myndaður í borgarstjórn

Fram, fram, aldrei að bakka

Hamlar ekkert hugarflugi,

„heilum“ skal nú þakka

að eftir nokkra áratugi

enginn kann að bakka.

Framtíðarbíll gerir bakkgírinn óþarfan

Ísl-Enska

In bissniss skúl æd læk tú lörn

ðe langvits off ðe dei.

ðiss sjittí kántrí sún vill törn

tú sivil íngliss vei.

Verzló vill fá enska námsbraut

Ekki selja of ódýrt

Hann virtist hafa vald á þessu öllu,

og varð því sár er fór það út um þúfur.

En undirboðin einni hringdu bjöllu,

hann allt of margar fékk víst lausar skrúfur.

Stal milljón skrúfum

Er áætlunin nógu rúm?

Eitthvað hefur áætlunin hliðrast

og því hefur strætó brunað hratt.

Bílstjórinn nú bljúgur fær þess iðrast,

því blessuð löggan enda á þetta batt.

Strætisvagn stöðvaður á of miklum hraða

Sungið er það sem samið er

Ef hann vildi íslenskuna styrkja,

að öðru skyldi Bubbi kannski hyggja.

Textasmiði betra væri að virkja,

víst þeir myndu fegnir launin þiggja.

Bubbi býður þrjár milljónir fyrir íslenskuna

Óvissa um skálastærð konunnar?

Þjófavörnum fram hjá fer,

feykidjarfur glanni.

Að konan hafi brjóstin ber,

blöskrar þessum manni.

Stal 350 brjóstahöldurum

Svo skal böl bæta...

Ef þig verkir illir hrjá;

einkanlega í baki;

best er nú að bæta þá

með beittu nálaskaki.

Nálastungur bestar til að lina bakverki

Kurteis gestgjafi?

Bollinger vild’onum bjóða í heimsókn til skólans,

og beitti sér fyrir því tvö ár í röð, er mér sagt.

En svona fór það og ég kann ei við kurteisi drjólans,

að klæmast á heimboðnum gestum ég tel enga magt.

Fjandsamlegar móttökur virtust slá Ahmadinejad út af laginu

Dreyfing hugans

Útihlaupin eflaust skrokkinn styrkja,

en einhæft skokkið litla fró mér gaf.

Í hreyfingu þú hugann þarft að virkja

svo hafir þú nú eitthvað gaman af.

Fótbolti er betri líkamsrækt en skokk