Ort í tilefni þeirra frétta að Bandaríkjamenn heyi nú sitt lengsta stríð frá upphafi

Það stríð sem þú háðir var stórkostlegt sjónarspil

og stóð yfir lungann af bestu árum þínum,

við óvin sem stundum virtist ey vera til

en varði þó stöðugt land sitt með byssum og mínum.

.

Hver orrusta reyndi til fulls á þrek þitt og þor

og þó að í upphafi styrk þinn það virtist auka

tók síþreytan smátt og smátt yfir og ójafnt varð skor,

að endingu varð það helvíti hvern dag að þrauka.

.

Að lokum þú hörfaðir, fyrst var það skref fyrir skref.

Er skelfingin greip þig þá fæturnir tóku sprettinn.

Þú stöðvaðir ey meðan nályktin lék um þitt nef,

til neins kom nú sannfæring þín, að þú værir með réttinn.

.

Nú situr þú einn inni í rammgerðu virki sem var

og vonar að óvinur þinn ekki leið þangað finni.

Þú færð ekki hvílst, fyrir aldur fram útbrunnið skar,

og óskar þess heitast að stríðinu bráðum linni.

Dauðasveitir í Afganistan

Frábært framhald...

Um daginn var flott heimildarmynd á RÚV eftir Stefán Drengsson um fyrri þátttöku þessara tveggja keppenda á þessu sama móti.

Það er greinilegt að þau hafa komið tvíefld til leiks nú, og verður gaman að fá fréttir af úrslitum þessa móts.

Ekki væri verra ef skjámiðlar gætu sýnt myndir af þessu móti.

Íslensk stúlka leiðir heimsmeistarmót í Crossfit

Flótti frá flokknum?

Fyrir ári síðan vildu meira en sautjánhundruð manns taka þátt í að kjósa sér formann.

Nú nenntu því ekki nema rétt rúmlega níuhundruð.

Og um það bil eitthundrað þeirra fóru þá heim og nenntu ekki að kjósa sér varaformann.

Sum sagt. Rétt rúmlega fimmtíuprósent heimtur í formannskjörið eftir ár í stjórnarandstöðu við eina klaufalegustu stjórn lýðveldistímans.

Ætli evrópuskoðanirnar hefðu ekki haft annan blæ ef flokkurinn væri ekki að fullkomna umbreytingu sína í einangrunarsinnaðan frjálshyggjuöfgaflokk?

 

Brostinn er flótti í flokkinn

því fleytan er lek sem hrip.

Götóttan settu í sokkinn

og sjófært þá telja skip.

Þrengir ekki stöðu Sjálfstæðisflokksins

Afstaða Más og Gylfa segir okkur skýrt...

... að þeir reikni með því að á Íslandi verði viðvarandi verðbólga, og að þeir ætli ekkert að gera í því að halda hér niðri verðbólgi.

Hér þyrftu þeir að taka sér Besta Flokkinn til fyrirmyndar og hugsa í lausnum, en ekki vandamálum.

Lausnin er einföld. „Róum að því öllum árum að reka hér þá hagstjórn að verðbólga verði lítil sem engin. Þá mun hinn afdæmdi verðbreytingarþáttur gengislánanna engu máli skipta.“

En, nei. Svo langt nær ekki hugsun þessara ágætu manna. A.m.k. nær hún ekki svo langt að komast út um munn þeirra.

Mín ósk til þeirra beggja er því: Vinsamlegast segið af ykkur strax, og leyfið öðrum að komast að stjórninni sem áhuga hafa á því að leysa vandamálin, en ekki tala þau upp.

 

Afstaðan er alveg skýr:

„almenningi blæða skal

og hagnast skulu helgar kýr“

hugnast lítt mér þetta tal.

Taka stöðu gegn almenningi

Þingmenn eru ótrúlegir

Hver þingmaðurinn kemur fram á eftir öðrum og sýnir fram á algert skilningsleysi gagnvart þeim lagatexta sem þeir fjalla um á þingi og samþykkja sem lög í landinu.

Nú vill þessi „jafnaðarmaður“ koma frjálshyggjupostulunum undan því að taka út þá refsingu sem þeim hefur verið dæmd í Hæstarétti, með „sósíalískri“ jafnaðarhugsjón. Já, það er gott ef vinstri stefnan kemur til bjargar frjálshyggjunni, en sýnir enga viðleitni til þess að bjarga heimilunum.  Vill hann ekki líka að fórnarlömb glæpa sitji inni með glæpamanninum og stytti þannig refsingu hans. Fuss.

Mörður ætti frekar að snúa sér inn til þingsins og vinna þar að leiðréttingu verðtryggðra lána heldur en að vera að gráta yfir ósanngirni þeirra laga sem hans vinnustaður semur.

Annars minnir þetta mig á gamla vísu:

 

Íslensk stjórnskipan í hnotskurn

 

Einbjörn kaus Tvíbjörn til ábyrgðarstarfa

á Alþingi sem hefur Löggjafarvald

og Tvíbjörn kaus Þríbjörn til trúnaðarstarfa

og titils í Ríkisstjórn; Framkvæmdavald

og Þríbjörn kaus Fjórbjörn til Þekkingarstarfa

að þinga um ábyrgðir: Dómaravald

loks Einbjörn kaus Fimmbjörn til Útrásarstarfa

og upp á punt gaf honum Forsetavald.

Vill verðtryggingu á lánin

Talið að um sjálfsmorð sé að ræða?

Af hverju komst eftirfarandi setning úr fréttinni sem mbl vísar í ekki í frétt mbl? "Police said he fell 40ft (13m) after being hit by a non-lethal munition."

Er undir nokkrum kringumstæðum hægt að tala um sjálfsmorð þegar dauði kemur eftir skot annars aðila, og ekki kemur til "árás" til að fá skotið fram?

Klámmyndaleikari fyrir björg

Heldur þann næst-besta en þann versta!

Vonandi nær næst-besti flokkurinn fleiri en einum inn. Það þurfa fleiri bæjarfélög en Reykjavík og Akureyri að þora að breyta til. 

Póli-tik í lóðaríið leggst

og lokkar til sín hvern sem með vill spila,

en kjós-endur nú greina það sem gleggst

að genablöndun engu muni skila.

Meirihlutinn fallinn í Kópavogi

Forræðishyggjan í hnotskurn

Í stað þess að hrósa manninum fyrir frumlega leið til lausnar á vandamáli, er hann ávíttur og þá væntanlega ætlast til þess að hann noti ógnun í staðinn. Fussum svei.

Skemmdarverk tókst með lagni að lempa

lögregluþjóni með ísbílastefi,

en ávítur hlaut frá kerfinu kempa

því kórvilla telst það að sleppa frá þrefi.

 

Ísbílastefið ósmekklegt vopn gegn glæpum

Ef þú veist ekki af hverju þú átt að kjósta Best...

...a Flokkinn, lestu þá greinina sem er á bak við eftirfarandi hlekk:

http://www.scribd.com/doc/4891823/Bogota-Mayor-Antanas-Mockus-turned-city-into-a-social-experiment

Hugsaðu út fyrir kassann.

Varpaðu af þér okinu og gefðu fólkinu sem telur stjórnmálin vera þeirra einkamál frí.

 

Merkja skal ég X við Æ

er í klefann mæti.

Í Borgarstjórn þeim Bestu næ:

ég bið um átta sæti.

Besti flokkurinn stærstur í Reykjavík

Og næsta kæra er...

Tvípúnktur og svigi setur

samhengið í lag.

Broskallinn hjá Baugi getur

bankann kært í dag.

Pálmi stefnir fréttamanni RÚV