Kurteis gestgjafi?

Bollinger vild’onum bjóða í heimsókn til skólans,

og beitti sér fyrir því tvö ár í röð, er mér sagt.

En svona fór það og ég kann ei við kurteisi drjólans,

að klæmast á heimboðnum gestum ég tel enga magt.

Fjandsamlegar móttökur virtust slá Ahmadinejad út af laginu

Dreyfing hugans

Útihlaupin eflaust skrokkinn styrkja,

en einhæft skokkið litla fró mér gaf.

Í hreyfingu þú hugann þarft að virkja

svo hafir þú nú eitthvað gaman af.

Fótbolti er betri líkamsrækt en skokk

Málið er að koma framkvæmdum í gang

Ef kostnaði segir þú satt og rétt frá,

þá svæfa þeir málin í nefndum.

En fegrir þú tölur þá færðu strax já,

það fylgist svo enginn með efndum.

Flest verkefni fram úr áætlun

Hann fær þá uppfærslu á gistingunni

Sænskan peyja Paris fann

á puttaferðalagi.

Núna gleypir Hilton hann;

ég held það sé í lagi!

Sænskur bakpokaferðalangur í vinfengi við Paris

Svikapilla?

Eftir nokkra áratugi öldrun stoppar.

Allt mun fást með einni pillu!

Eg finn lykt af svikamillu.

Nýjar leiðir til að berjast gegn öldrun

Fyrsta brosið

„Tvípunkt“ fyrst þú skrifa skalt,

skellir þar næst „mínus“ inn,

„svigi lokast“ svo er snjalt

að setja, þá ég brosið finn.

>>-( 0 0 )-->

.........~

Broskallinn er 25 ára í dag

Var pappír meðferðis?

Ráðherra fannst það víst ferlega sætt

er fraukurnar úti sér hægðu.

Í blöðunum Dönsk’er þó bara um rætt

hvort botninn að lokum þær fægðu.

Ráðuneyti ver myndbirtingu af berrössuðum kvenhermönnum

Samhugur

Þau sátu við netið í sitthvorum stólnum

og sambúðarraununum flíkuðu þar.

Hann fór úr bolnum og hún fór úr kjólnum,

því hitinn á spjallinu gerði þau snar.

 

Þau ákváðu’að hittast og athuga betur

hvort ættu þau framtíðarhamingju tvö.

„Makinn er úti, þú mátt, ef þú getur,

mæt’hingað heim til mín rétt klukkan sjö.“

 

„Nú, býrðu þá þarna? Ég bý þar víst líka!“

Þau bölva hvort öðru og rjúka á dyr.

Nú skilnaðarpappírum skelegg þau flíka,

og skammast og rífast sem aldregi fyr.

Daður á netinu endar með skilnaði

Túrismi í Eyjum

Nokkurn tíma tekur víst

túristum að ná.

Uppbyggingu um það snýst,

í það þarf að spá.

 

Eftir margra ára starf

uppskeru þeir fá.

Kom hér loksins kýr, með tarf,

Keikó til að sjá.

Hvalasmölun gekk vel í Vestmannaeyjahöfn

Þjór fé?

Fimmtán millur fyrir þjór

fannst þeim ansi mikið.

En gamli hafði bragðað bjór

og beint fór yfir strikið.

Fimmtán milljónir í þjórfé