Valdboðið nær út yfir (gröf og) dauða.

Ef þú deyrð þá ekkert fær þér bjargað,

öllum verður ljós þín mikla sekt.

Lík þitt skal með lausu fiðri tjargað,

og lífgað við af bæjarstjórans mekt.

 

Síðan máttu þorpsgöturnar þramma,

þannig verður flestum öðrum ljóst

að hérna verður ekkert „elsku mamma“,

andann skal hér draga sérhvert brjóst.

Gjörið svo vel að deyja ekki

„Ég fékk mér hjól og fór að hjóla...“ (ÓR)

Já, lífið er skoplegur skóli,

ég skil það að menn stundum spóli,

en tíni þó til

að trauðla ég skil

að á sléttu menn hossist á hjóli.

Hafði mök við dömureiðhjól

Enn er pælt.

Þó Vilhjálmur vongóður pæli

í völdum í sjálfstæðisbæli,

sex blindar mýs

vilja setj'ann á ís,

og Ríkið mun redda þeim kæli.

Niðurstaðan ekki eins skýr og ætla hefði mátt

En hvað fékk kötturinn í morgunmat?

Akgreinaskipti hann æfði af kappi,

einnig að beygja, og leggja í stæði.

Á leið sinni í prófið hann stóð þó í stappi,

hann stýrði ekki beint yfir glerhálkusvæði.

 

Hann velti yfir keilu og kom nálægt húsi,

og köttur þar inni varð skelfingu lostinn.

Aumingja strákurinn ökunámsfúsi

 er nú hjá mömmu á taugunum brostinn.

Velti á leið í bílprófið

Misnotkun á skattfé

Frelsi þeir tal'um hjá flokkunum bláu

en forræðishyggju þeir sýna í verki.

Uppkaup á húsunum ónýt'og smáu

við eigum að taka sem framfaramerki.

Koma varla til með að binda hendur borgarinnar

Gráturinn eykur fylgið

Um það kannski efast má

hvort Ingi Hrafns sé sár,

því á hvörmum karlsins sá

ég krókódílatár.

Ómakleg framganga

Stjórnmálamenn vilja örugg sæti

Í borginni hún birtist skær,

með „bölvuð læti“.

Og flokkinn sinn hún færði nær

framaæti.

Já, forystunni færir mær

fullt af kæti.

En Svandís ekki alltaf fær

öruggt sæti.

„Það er allt í lagi með mig"

Allt er best í hófi

Ristilskolun réðst hann í

er reyndist hálsinn þrútinn.

Í sína görn hann setti því

sérríflöskustútinn.

 

Lét hann renna lítra þrjá,

það losti olli drengnum.

Verðlaun honum veittust þá;

að vísu að honum gengnum.

Banvænt sérrí í stólpípu

Selfosslögreglan er árvökul

Í skipinu vildi hann skipta um gír

því skakkur var bíllinn í stæði.

En pólísið hirti þann próflausa fír;

(hann pissar um þvaglegg í bræði).

Kærður fyrir akstur um borð í skipi

Dökk spá! (en, hversu sannspá var völvan síðast?)

Brestur stjórnin, bankar hrynja,

borgarstjórinn eflaust fellur!

Eldgos mun á okkur dynja;

enn einn júróvisjónskellur?

Völvan spáir stjórnarslitum