Verðmætið liggur í undirskriftinni

Málverkið töldu þeir meistaraverk

og milljarð til bókar þeir færðu.

Það innblástur veitti, og áhrifin sterk

og ýmsir víst tæknina lærðu.

 

En svo fór í verra, og vandaðist mál,

það var eftir ókunnan dóna,

og þeir máttu setja sitt bókhald á bál,

það brann þarna milljarður króna.

Málverk reyndist ekki vera eftir Van Gogh

Tungumálakvóti?

Herforingjar Myanmar

mannréttindi brjóta.

Dágott fundu Danir svar

með dulmáli þeir skjóta.

Yfirvöldin urðu snar,

þau útlendingum blóta,

og fjölmiðlarnir fínu þar

fá nú málakvóta.

(Já, enskan verður eflaust þeim til bóta.)

Dönsk auglýsing veldur uppnámi í Myanmar

„... bragðið góða svíkur eigi ...“

Vínið góða var með keim

sem vakti gleði Frakka.

En bragðlaukarnir brugðust þeim

sem boðið var að smakka.

(Er komu þeir svo kátir heim

í Könunum sást hlakka.)

Kvikmyndaframleiðendur deila hart um vínsmökkunarhneyksli

Vanga velta...

Túrhestarnir tölta greitt

um töfraheima Fróns.

En lausamölin lúmsk og beitt

þá leiðir oft til tjóns.

Sluppu með skrekkinn eftir bílveltu

Heiðursmaður horfinn er...

Alvalds hefur einkaher

nú ýtt úr vör.

Og heiðursmaður horfinn er

í hinstu för.

Einar Oddur Kristjánsson látinn

Ætli þeir sleppi?

Eitrið, það er enginn vafi,

allt var hirt.

Ætli Dje Vaff eitthvað hafi

um það birt?

Sex handteknir í tengslum við kókaíninnflutning

Þórsmerkurljóð hið síðara

Er lífsháska þau lentu í

hann lagðist beint á hnéð,

og kærastan með kurt og pí,

hún kraup þar honum með.

 

Og bónorðið hann bar þar fram

í bíl, í miðri á,

hjá fraukunni það féll í kram,

í flýti sagð’ hún „Já“!

 

Í faðmlögum þau fundust sæl

og fljótt á land var náð,

en sagan mun víst senn um hæl

í sögubækur skráð.

 

Sjá einnig: http://www.ruv.is/heim/frettir/frett/store64/item163566/

Trúlofun í miðri Krossá

Sama gamla vandamálið?

Vandinn mér virðist að stafi

af vöntun á samkeppnismóð,

því töluverð hækkun í hafi

hrjáir nú íslenska þjóð.

Matvæli dýrust á Íslandi

Er þá ekki komið að bókabrennum?

Bráð er sú vá sem að börnum mun steðja,

ber þau að passa með sérhverju ráði.

Safn mitt af Tinna ég senn mun nú kveðja,

og setja á bál, þó að gráti það snáði.

 

Doddi og Sambó þeir dæmast víst líka

sem dekur við fordóma, kúgun og vansa.

Svo úreltum skoðunum enginn má flíka,

já, eldurinn kætist; og logarnir dansa.

Tinni fjarlægður úr barnabókahillum

Vilja menn þetta á Vestfirði?

Vita menn hversu sterkbyggð olíuflutningaskipin eru sem þyrftu að sigla um Halamið á öllum tímum árs til að koma olíu til og frá þessari hreinsistöð sem verið er að hugsa um? 

 

 

Ef hreinsistöð verður á Vestfjörðum reyst

þá vanda mun engann það leysa.

Því olíuskipin fær ólgusjór kreist,

og umhverfisslys munu geysa.

Olíubrák á sólarströndum Ibiza