Enn Eitt vígið að falla

Hamborgari, salat, sósa,

sögðu Stuðmenn best að fá.

Vegasjoppum vildu hrósa,

víst þeir óku mikið þá.

 

Hljómsveitir það syrgja svekktar

sameini þeir Stað og Brú.

Beikonpylsur býsna þekktar

býður Enn Einn flestum nú.

Sjoppufákeppni hræðir poppara

Hann hefur keypt sér málband... (sjá síðustu færslu)

Hætti hún Alba við hálfvolgan mann;

hanga hann vildi á kránum;

þar til hún kynþokkakosningu vann,

kom hann þá aftur á hnjánum.

Alba aftur á fast

Allt er nú hægt að reikna

Stærðfræðina margir meta

meira fyrst að það er ljóst

að kynþokkann nú karlar geta

kannað fyrir neðan brjóst.

 

http://www.mbl.is/mm/folk/frett.html?nid=1287589

Hörð keppni

Þó sumum reynist erfitt að sigla á réttum kili,

er sannarlega gaman í auðmennina að spá.

Því leikurinn er einfaldur í lífsins sjónarspili

að lokum hver sá vinnur sem að mesta dótið á.

 

http://www.mbl.is/mm/vidskipti/frett.html?nid=1287430

http://www.mbl.is/mm/vidskipti/frett.html?nid=1287449

 

(Þetta eru sennilega of viðkvæmar fréttir til að það megi tengja beint við þær, eða hvað?)

Alltaf heppnir

Heppnin fylgir okkur enn,

ekki þurfum við að kvarta.

Valdasjúkir vondir menn

vilja eignast gullið svarta.

Garrí Kasparov: Íslendingar heppnir að eiga enga olíu

Suma má ekki styggja

Ástarhandföng út skal má,

enginn vill nú styggja

forsetann, það flestir sjá

að fyrir- telst það -hyggja.

„Ástarhandföngin" máð út

En þó ekki Valgeir, eða hvað?

Á síðustu tónleikum sást enginn brosa,

þeir sannlega klikkuðu töluvert þá.

Nú hátíðardagskrá þeir hafa í Mosa

og hefðbundna Stuðmenn við fáum að sjá.

Hefðbundnir Stuðmenn á Varmárvelli

Fjölgar þá fegrunaraðgerðum?

Tekjur virðast taka keim

af tísku í hverju landi.

Allir vilja þóknast þeim

sem þykja aðlaðandi.

Fallegt fólk þénar mest

Kæru leysi er þetta

Lögbrotin eru í lagi

ef Landvernd hún skiptir sér af.

Og ekki er augljóst að klagi

yfirvald það sem að svaf.

Kæru Landverndar vegna framkvæmda í Heiðmörk vísað frá

Þetta er skattastefna USA

Auðkýfingur skattaskjólið

skundar í án sorga.

Litla manninn lætur fólið

lífsgæði sín borga.

Bandarísk hóteldrottning látin