Íslensk umræðuhefð

Ég viðurkenni á mig allskyns brot

af ósamþykktum hugsunum,

og ef að ég í þrætum kemst í þrot

þríf ég mig úr buxunum.

 

Á netinu ég naga ófá bök

og nafnleysið þá hvetur mig,

en IP-talan ein er mín svo stök -

það oft í klemmu setur mig.

 

Litlum fuglum legg ég eyrun við

og Leitis-Gróu þekki ég.

Andstæðingum fáum gef ég frið

og framsóknarmenn hrekki ég.

 

Mér himinbláa höndin vísar leið

að háleitasta markinu:

að fláræðisins gata verði greið

með grófu hreðjasparkinu.

Harka í ESB-umræðum Framsóknar